www.Хосуудад.тк

Шилнээсээ бусдийг дийлдэг архи чамайг 

Шингэн болохоор л уучихдаг юм

Хатуу зүйл байсансан бол чамайг

Хазаж зажилаад залгичих байсан байх

Уугаагүй үедээ би уулган зантай бүтэлгүй нэгэн

Ууж идээд улайгаад ирэхдээ би бурхан шиг бүхнийг чадагч нэгэн

Тасарч унаад хэвтээд өгвөл би таван сартай хүүхдээс ч долоон дор

Тамтаггүй болсон биеэ дааж ядан сэрэхдээ би сүнс нь зайлсан ад зэтгэр

Архи гэдэг энэ зүйлийг

Аав минь уувал агсарч мэднэ

Өвөө минь уувал үхэж мэднэ

Өөрөө би уувал алдаж мэднэ

Ийм болохоор энэ архи гээчийг

Идээний дээж гэж нэрийдэхийг эс зөвшөөрнө БИ